A-raok kregiñ da vat gant istor ar gevredigezh
hec'h-unan, marteze e vennit gouzout hiroc'h diwar-benn istor
kozh Plouha hag ar vro tro-war-dro. |
|
Deuomp en-dro war istor Kalon Plouha a zeu war wel e 1992! Er bloaz-hont e voe savet Kalon Plouha, o welet ar
freuz hag ar reuz bet lakaet er vro da vare an adlodennadeg, e-keñver ar
c’hleuzioù hag an hentoù don evel-just met ivez etre an dud o chom war an
dachenn. Merzhet e voe neuze ganto pegen bresk e oa
hon endro koulz hag an emglev kevredigezhel a rene er vro betek hen. E
gwirionez, ouzhpenn ar c’hleuzioù a glaske dispenn ar pennoù bras a neuze :
dispennet e vije war un dro holl berzhioù dibar ar Vretoned a-benn diskouez
dezho dreistelezh, efedusted ha galloudegezh "ar sistemm" . Gouest da
ziskar an dremmwel kozh-noe-se en ur ober un nebeut mizioù hepken, e vefe ar sistemm ken
gouest all da ziverkañ roudoù diwezhañ hor sevenadur hendadel (anat deoc’h ne
oa ket an taol kentañ skoet gant hor yezh da skouer). Splann neuze
e voe lakaet pal Kalon Plouha : difenn an endro, ar vro, ar sevenadur
hag ar yezh war un dro e parrez Plouha. |
"Kleuz o
tiskenn, keuz o sevel !" "Kleuz e Breizh, keuz e-leizh !" |
Kadoriad kentañ ar
gevredigezh e voe Patrick Chevalier, skoazellet gant Fañchig Gohin evel
sekretour, ha Kolina gwreg Fañchig. War lerc'h Yves Le Goff e voe Yann-Loig Pen teñsorer Kalon Plouha.
Goude un nebeut bloavezhioù e voe erlec'hiet gant Maïte Rebours hag a chomas stag ouzh he c'hefredi e-pad ouzhpenn 20 vloaz, betek 2023.
Goude-se e voe anvet Reun Kras da gadoriad, hag-eñ
mil vrudet e Plouha evit e vadoberoù niverus e-touesk an dud o chom
eno : atav e veze prest da sikour hini pe hini en dije bet ezhomm. Aet
eo Reun Kras da anaon e miz Meurzh 2000, met morse ne vo disoñjet pegen
mennet e oa an den evit sikour pe skoazellañ e genvroiz en desped d’an oad ha
d’ar c’hleñved. War e lerc’h eo Chanig
Spell hag a zo bet anvet da gadoriadez, o terc’hel, youlek,
d’he c’hefridi betek 2008. War he lerc'h e voe dalc'het ar garg gant Fransez Gohin, bet skoazellet gant tud a you vat, harperien feal d'ar gevredigezh anezho.
En o zouez e c'hallomp menegiñ Tomaz Jacquet, Mikael Keraotret, Annaig hag Andre Le Duigou, Odil ha Bernez Kadoret, Padrig a Gelenn, Fulub Desbois, Maï Pierre. Un nebeut skeudennoù eus an adlodennañ a voe ar poent loc'han evit Kalon Plouha : "Savet o deus hentoù nevez a gaso ho traktor war-eeun er
mor" "Kement a draktorioù zo bet kouezhet er mor m'o deus kavet gwelloc'h, goude hir brederiañ, stankañ an
hent !" "Ha n'eo ket gwir, emit-hu ! Kit eta war-zu Trevroz
hag e weloc'h !" E Pouldouran, e-kreiz parrez
Plouha, o deus graet gwelloc'h c'hoazh. Holl ar vrezhonegerien a oar ez eus
douaroù gleb en ul lec'h anvet Pouldouran. Dizouret o deus an douaroù-mañ
diwar bouez labourioù bras a-barzh sevel ul lec'h gwarezet daou vloaz
war-lerc'h ar reuz. Ent-ofisiel o deus nac'het ouzh an dud ober ar pezh a zo
bet graet ganto ! Bremañ eo deuet douaroù Pouldouran da vezañ lec'h
andon dour mat Plouha. Dre dalaradennoù don donoc'h e voe kavet dour mat |